Har du lyst til å oppleve Geirangerfjorden både til lands og til fjords? Her kan du kombinere ein times guida rundtur på vegen i ein av dei små, grøne elbilane med ein påfølgjande RIB-tur på fjorden med full fart og frisk fossedusj i ansiktet. Når du hentar bilen, vel du sjølv om du vil køyre turen mot 1. Ørnevegen eller 2. Flydalsjuvet.

Ørnevegen: Først køyrer du gjennom Geiranger sentrum, langs fjorden og opp Ørnevegen som slyngjer seg oppover mot den vidgjetne Ørnesvingen. Der du får eit fabelaktig utsyn over fjorden, mot dei storslåtte fossefalla Dei sju systrer og smålåtne fjellgardar.

Flydalsjuvet: Denne panoramaturen har fleire stoppepunkt. Først køyrer du oppover mot fjellet i aust til Flydalsjuvet, der du kan sitje på ei trone og nyte utsikta mot fjorden og svimlande djup. Vidare går ferda oppover dei grøne bakkane mot fjellgarden Vesterås, der du får ei praktfull utsikt over fjord og fjell.

På RIB-turen kjem du nærare naturen enn du trudde var mogleg – her får du ei fantastisk oppleving av Unesco-fjorden på nært hald! Båten går heilt inntil fossane og gjer fleire stopp der du får oppleve dei kjende attraksjonane på kroppen og kan ta fantastiske bilde.

Best of Geiranger RIB

Om opplevelsen

Tilleggsinformasjon

Praktisk info

Avgangstider

Oppmøtested

Bilder fra turen