Medlemsskap i Øygarden Kajakksenter

Padling, medlemslokale, fellesturer, våttkortkurs intro og grunnkurs.

Det første kajakksenteret i Øygarden kommune er rustikk og koseleg. Vi har bygd det i eit naust der det er høgt under taket. Vi har prøvd å behalde naustmiljøpreget, og føler me har klart det. Her er det eit godt padlemiljø. Vi har eit eige sosialt rom, garderobar, havkajakk og utstyrslager, flytebrygge og rennande vatn til skylling av utstyr etter tur. Her kan du koma og gå som du vil, som medlem får du eigen kode til døra og kan padle når som helst på døgnet heile året så lenge du har våttkortkurs.

Kvifor i all verda skal vi ha eit kajakksenter på Toftøy?

I hovudsak handla det om at vi har verdas havrike med padlehøve heile året, rundt øyane våre her ute i havgapet. Det er eit padleparadis og ruter langs heile nordre del av Øygarden. Vi sakna eit slikt tilbod her ute, og no har vi det. Havkajakk har blitt ein folkesport, og det er fint å endeleg kunne drive med det året rundt.